Dádiva Divina (feat. Naná)

Batchart

Compositor: Não Disponível

Kond tud parse distant i kamin mostra ser insert
Konta k'mi pa tud inkuant n' tita ben stod sempri por pert
Nha amor pa bo ê inkondicional, guardod na nha lod skerd
Bo prezensa ê fundamental, pa bo nhas broce ta sempri abert

Bo ê maior prezent k'es vida da'm
Na bo n'ta otxa aligria k' tud dia ta motiva'm
Nha onj da guarda, guia k' Deus manda pa konpanha'm
Kel metad ê jam sabia k' tava li ben pa conpleta'm
Bo muda'm konpletamenti, bo magia muda nha vida
Nha nhas broce bo ê tratament, terapia pa dor i frida
Bo sorriz inkandecenti ê energia pa nha korrida
N'kre kurtib kada moment, tud dia es amor sen midida
Bo olhar ta kativa'm, bo prezensa ê aliviu
Bos abras t' konforta'm, faze'm sinti mas vivu
Bo amor bem kura'm, el faze'm sinti livri
Levanta'm i guia'm, oji vida ten mas mutiv
N'da Deus obrigad, agradese tud enkuant
N'ten k' agradese kada moment, kada instant
Bo ka intende nada? N'sabe, nu entant bo ta ben intende tud fidje kont bo vra grandi

Kond tud parse distant i kamin mostra ser insert
Konta k'mi pa tud inkuant n' tita ben stod sempri por pert
Nha amor pa bo ê inkondicional, guardod na nha lod skerd
Bo prezensa ê fundamental, pa bo nhas broce ta sempri abert

Bo traze nha vida kor, bo traze'm emosao
Na bo n'otxa kel amor ê k' da nha vida diresao
N'kre retribuib el k' tud nha dedicasao
N'kre kumpri nha pepl na kualker ocasiao
N'ka t' prometi perfeisao, mas kredita k' n'ta stod li prezent
Tud situasao konta k' mi es ê nha jurament
Mut mas k' un pai, komo amigu principalmenti
Pa prende ma kumpanher i partilha kada moment
Palavras ka ta splika u k'ê k' n' tita sinti pur dent
I midjor ê ben mostrob na dia dia realment
Purk nenhun palavra ê suficient pa dze konkretament
Pa spresa ixatament tamonh des sentiment

Kond tud parse distant i kamin mostra ser insert
Konta k'mi pa tud inkuant n' tita ben stod sempri por pert
Nha amor pa bo ê inkondicional, guardod na nha lod skerd
Bo prezensa ê fundamental, pa bo nhas broce ta sempri abert